لەچوارچێوەی چالاکیە بەردەوامەکانی کۆلێجی کارگێڕی و ئابووری، ئەمڕۆ یەک شەممە بەرواری (٥/٥/٢٠٢٤) بە هاوبەشی لەگەڵ دەزگای ئاسایشی هەرێمی کوردستان/بەشی نەهێشتنی ماددە هۆشبەرەکان و کەی (٩) چالاکیەک لەژێر ناونیشانی (هۆشیاری تاک لەسەر ماددەی هۆشبەر) بەڕێوەچوو.
سەرەتایی چالاکیەکەش بە خولەکێک وەستان بۆ گیانی پاکی شەهیدان دەستی پێکرد و پاشان ( د.سۆزان صابر حیدر) بەناوی ڕاگرایەتی کۆلێجەوە ووتەی خۆی پێشکەشکرد و سوپاسی هەوڵ و ماندوبوونی بەردوامی دەزگای ئاسایشی هەرێمی کوردستانی کرد بۆ پاراستنی ئارامی هاوڵاتیان، هەروەک کاری بەردەوامیان بۆ بنبڕکردنی ماددەی هۆشبەر و هۆشیارکردنەوەی تاک بەرز نرخاند، دواتر لەلایەن نوێنەری دەزگای ئاسایشی هەرێمی کوردستانەوە سیمینارێک لەسەر جۆرو کاریگەریی و لێکەوتەکانی بەکارهێنانی ماددەی هۆشبەر پێشکەشکرا، هەروەها چالاکیەکی تایبەت بۆ دۆزینەوەی جۆرێک ماددەی هۆشبەر ئەنجامدرا و لە کۆتایشدا خەڵاتی ڕێزلێنان لەلایەن ڕاگری کۆلێجەوە بەخشرا بە بەڕێز (بەرپرسی بەشی کاروباری یاسایی بەڕێوەیەرایەتی نەهێشتنی ماددە هۆشبەرەکان).
جێی ئاماژەبۆکردنە خوێندکارانی زانکۆ بە پێناسی سەرمەشقی کۆمەڵگە، گرنگە ڕۆڵی بەرچاو و کاریگەریان هەبێت لە هۆشیارکردنەوەی کۆمەڵگە لە مەترسی و زیانەکانی نزیکبوونەوە لە جۆرەکانی ماددەی هۆشبەر
لێرەوە بەناوی ڕاگرایەتی کۆلێجی کارگێڕی و ئابووریەوە دووبارە سوپاسی دەزگای ئاسایشی هەرێمی کوردستان و ئەو خوێندکارە ئازیزانە دەکەین کە لە ئەنجامدانی چالاکیەکە ڕۆڵی بەرچاویان هەبوو ، ماندوبونیان بەرزدەنرخێن
ڕاگرایەتی کۆلێجی کارگێڕی و ئابووری
٥/٥/٢٠٢٤
ڕۆژی دووشەممە بەرواری (١٣/٥/٢٠٢٤) لە هۆڵی کۆنفرانسی کۆلێجی کارگێڕی و ئابووری، سیمینارێک بە ناونیشانی ” التکامل بین محاسبة استهلاک الموارد و التحسین المستمر بهدف تحقیق التنمیة المستدامة” لەلایەن بەرێز (م. پەیمان عثمان سعید) ئەنجامدرا بە ئامادەبوونی ژمارەیەک لە مامۆستایانی کۆلێجمان
(محاسبة الضريبية)
ناوی ئەو کتێبەیە کە ئەمڕۆ لەلایەن نوسەرەکەیەوە، بەڕێز (د.ڕزگار علی احمد) مامۆستا لە بەشی ژمێریاری کۆلێجمان، بە ئامادەبوونی بەڕێز یاریدەدەری سەرۆکی زانکۆ بۆ کاروباری کارگێڕی و ڕاگر و مامۆستایانی کۆلێج، ناساندنی بۆکرا
کتێبەکە وەک لەناوەکەیەوە دیارە، لەو بابەتانە دەکۆڵێتەوە کە پەیوەندی بە باج و شێوازی هەژمارکردنی باجەوە هەیە، هەروەک باس لە جۆرەکانی باج و سیاسەتی باجدان و هەروەها ئەو ڕێساو یاسایانەی پەیوەندی بە باجەوە هەیە دەکات، هاوکات لە کۆتایی هەر بەندێکی پەرتوکەکەدا کۆمەڵێک پرس و وەڵام سەبارەت بە ناوەڕۆکی بەندەکە لەخۆدەگرێت
بەمجۆرە بەرهەمێکی دیکەی زانستی بۆ سەر خەرمانی کۆلێج و بەشی ژمێریاری زیادیکرد و سەرچاوەیەکی تری زانستی ژمێریاری کەوتە بەر دیدەی خوێنەرانی، لێرەوە بە ناوی ڕاگرایەتی کۆلێجمانەوە دەستخۆشی و پیرۆزبایی لە نوسەر(د.ڕزگار علی) دەکەین و هیوای بەردەوامی و بەرهەمی زیاتری بۆ دەخوازین
ڕاگرایەتی کۆلێجی کارگێڕی و ئابووری
١٢/٥/٢٠٢٤
