College of Administration and Economics

کاریگەری جگەرە و ماددەی هۆشبەر لەسەر جەستە و دەرونی گەنج و گرنگیدان بە جەستەیەکی تەندروست

1
16 January 2024
News

کاریگەری جگەرە و ماددەی هۆشبەر لەسەر جەستە و دەرونی گەنج و گرنگیدان بە جەستەیەکی تەندروست

بە ئامانجی هۆشیاری زیاتر و ئاگادارکردنەوەی خوێندکاران لە مەترسی و زیانەکانی جۆرەکانی جگەرەو ماددە هۆشبەرەکان، وە چۆنێتی خۆپاراستن لێی هەروەها هێشتنەوەی جەستە و دەرونی تاک بە تەندروستی، کۆڵێجی کارگێڕی و ئابووری بە ئامادەبوونی بەڕێز (د.سۆزان صابر حیدر)، ڕاگری کۆڵێج و بەشێک لە مامۆستایان و خوێندکاران، سیمینارێک لەلایەن بەڕێز (م.زرنگ سالار محمد) بە ناونیشانی (کاریگەری جگەرە و ماددەی هۆشبەر لەسەر جەستە و دەرونی گەنج و گرنگیدان بە جەستەیەکی تەندروست) پێشکەشکرا، کە تێیدا سەرەڕای ڕونکردنەوەی چۆنییەتی زیانگەیاندنی جۆرەکانی جگەرە و ماددە هۆشبەرەکان، باس لە ڕۆڵ و گرنگی وەرزش کرا بۆ بە تەندروستی هێشتنەوەی جەستە و دەرون، هەروەک ئاماژەدان بە چەند تەکنیکێکی سادەی وەرزشی تا ئامادەبوان بتوانن بەکاری بهێنن و سودمەند بێت لە چالاکیەکانی ڕۆژانەیان.
بە پێدانی خەڵاتی ڕێزلێنان لەلایەن بەڕێز(د. سوزان صابر حیدر) ڕاگری کۆلێجمان، بە بەڕێز (م.زرنگ سالار محمد)، کۆتای بە سیمینارەکە هات
لێرەوە بەناوی ڕاگرایەتی کۆلێجی کارگێڕی و ئابوورییەوە، سوپاس و پێزانینی خۆمان ئاڕاستەی مامۆستا زرنگ سالار دەکەین و هیوای سەرکەوتن بەردەوامی لە کاری ڕاهێنەرایەتی و بڵاوکردنەوەی هۆشیاری و ئەنجامدانی سیمیناری هاوشێوەی بەسوود، بۆ دەخوازین

ڕاگرایەتی کۆلێژی کارگێڕی و ئابوری
١٦/١/٢٠٢٤

Share It on

Related News 

14-Apr-2024

  یادکردنەوەی تاوانەکانی جینۆسایدی ئەنفال

ئەنفال گەورەترین و فراوانترین و دڕندانەترین هەوڵی حیزبی بەعس و دەسەڵاتەکەی بوو بۆ سڕینەوەی شوناسی نەتەوەکەمان

ئەمڕۆ بەرواری(١٤/٤/٢٠٢٤) لە مەراسیمێکی تایبەت و لەچوارچێوەی چەند چالاکیەکدا، بە ئامادەبوونی مامۆستا و فەرمانبەران و خوێندکارانی بەشە جیاوازەکان، کۆلێجی کارگێڕی و ئابووری ساڵیادی جینۆسایدی کردەوە، سەرەتای مەراسیمەکە بە خوێندنی چەند ئایەتێک لە قورئانی پیرۆز دەستی پێکردو پاشان خولەکێک وەستان بۆ گیانی پاکی شەهیدان، دواتر بە پیشاندانی دیکۆمێنتاریەکی تایبەت بە ئەنفال بەردەوام بوو، پاشان بە پێشکەشکردنی سیمینارێک لەلایەن (پ.ی.د.کامەران احمد حمە) بە ناونیشانی (ئەنفال و پرۆسەی جینۆسایدی کوردستان)، کۆتایی بە مەراسیمەکە هێنرا.

جێی ئاماژە بۆکردنە یادکرنەوەو وەبیرهێنانەوەی ئەو تاوان و جینۆسایدانەی کە دژ بە گەلەکەمان ئەنجامدراون، بۆ خوێندکاران و لاوانی نوێی نیشتیمان گرنگ و پڕ بایەخە و مێژوو پێمان دەڵێت ئێمە نەوەی کام قوربانین و لەپێناو مانەوەمان چیمان بەسەرهاتووە

ڕاگرایەتی کۆلێجی کارگێڕی و ئابووری

١٤/٤/٢٠٢٤

Find Out More...
08-Apr-2024

ڕاگری کۆلێجی کارگێری و ئابووری (٩٢) کتێب دەبەخشێتە کەمپەینەکەی زانکۆی سلێمانی

ئەمڕۆ بەرواری (٧/٤/٢٠٢٤)، ڕاگری کۆلێجمان بەڕێز پ.ی.د.سۆزان صابر حیدر ،(٩٢)کتێبی لە چەندین بوار و زانستی جیاوازدا بەخشی بە کەمپەینی( کتێبێک ببەخشە و کتێبخانەی خوێنەرێک ئاوەدانبکرەوە)، کە سەنتەری هەماهەنگی زانکۆ و کۆمەڵگە بەهاوکاری گروپێک لە خوێندکارانی خۆبەخش لە کۆلێجە جیاوازەکانی زانکۆی سلێمانی پێی هەستاون، هاوکات بەڕێز د.سۆزان صابر حیدر وێڕای دەست خۆشی و ماندونەبوون لەو ستافە کە خوێندکارانی کۆلێجی کارگێڕی و ئابووریش بەشداربوون تێیدا، بە گرنگی زۆرەوە باسی لە کەمپەینەکە کرد و داوای کرد هەرکەس بە پێی توانای خۆی بتوانێت بەشداربێت و کتێبخانەیەکی نوێ ئاوەدابکاتەوە لەو کتێبانەی کە خۆی سودی لێوەرگرتووە
لە کۆتایدا سەنتەری هەماهەنگی و دەستەی گروپی خوێندکارانی خۆبەخش،زۆر سوپاسی هەڵوێستی بەڕێز ڕاگریان کرد و بەشداریکردنیان بەرز نرخاند

 

 

ڕاگرایەتی کۆلێجی کارگێڕی و ئابووری

٨/٤/٢٠٢٤

Find Out More...
chevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram